ILOILO CITY- Kaangay sang lagabong sang drum sang Bombo Radyo ang pitik sang tagipusuon sang isa ka winner sa ‘Radyo Para sa mga Ilonggo’ sang nabaton ang Limited Edition Commemorative radio set nga may logo 55th Anniversary sang Bombo Radyo Philippines kag 200 pesos cash.

Sa interview sang Bombo Radyo kay Rebecca Yamson, 67 anyos, residente sang Brgy. General Hughes, Iloilo City Proper, iya ginpahayag nga kaangay nga gintagna gid sang Diyos ang iya pagdaog bangod una ini nga bes nga nalawagan siya bilang winner humalin pa sadto nga pagpasakop niya sa mga promo sang Bombo Radyo.

Suno kay Yamson, kaangay nga birthday gift man ang premyo nga iya nabaton kag espesyal pa gid ini bangod sang July 6 man ang iya nga birthday nga amo man ang kaadlawan sang Bombo Radyo Philippines.

Ginpabugal naman ni Yamson nga isa siya sa nangin testigo nga ang radyo nga ginapanagtag sang Bombo Radyo, wala nalansang, wala nakapon, wala na- quarantine , kag wala nalockdown sa isa lang ka estasyon.

Facebook Comments

bomboradyo