ILOILO – Amat-amat na nga gina-areglo ang mga kandidato nga magapadalagan sa 3rd district sa Probinsya sang Iloilo.

Sa interview sang Bombo Radyo kay Iloilo 3rd District Rep. Lorenz Defensor, iya ginpahayag nga sa Sangguniang Panlalawigan, magapare-elect sa gihapon sanday Board Members Jason Gonzales kag Matt Palabrica sa diin wala pa ang mga ini sang mangin kasumpong.

Ang mga line-up naman sa mga banwa sa tirsier distrito ang malapit na lang nga matapos sa diin duha na lang ka mga banwa ang ila mga ginahikutar sa subong.

Samtang, sa probinsya sang Iloilo, ginkumpirma man ni Defensor nga naka-istorya na siya sa mga kongresista magluwas lang sa 1st kag 4th district.

Ginatugyan naman ni Defensor sa iya utod nga si Iloilo Gov. Arthur Defensor Jr., ang desisyon sa iya nga suportahan sa magapadalagan bilang bise gobernador.

Ginkumpirma man sang mamalidha nga may tatlo na ka mga luyag magkandidato sa vice gubernatorial race, apang wala pa nakadesisyon ang gobernador tuhoy diri.

Facebook Comments

bomboradyo