Wala napunggan ni former Iloilo City First Lady Marivic Mabilog nga hikayan si Presidente Rodrigo Duterte.

Ini matapos ang liwat na naman nga paglawag ni Duterte sa iya bana nga si former Iloilo City Mayor Jed Patrick Mabilog.

Nahibaluan nga ginpahayag ni Duterte nga plano niya nga patyon ang anay alkalde apang naunahan lang siya sini nga palagyo.

“Si Mabilog, ‘yung Mayor ng Iloilo na sumibat na. Kasi papatayin ko talaga siya eh. Naunahan lang niya ako ng sibat. Kasi may pera na.”

Ginkwestyon man ni Duterte ang pag-angkon sang anay alkalde sang mansion nga balay sa Molo, Iloilo City.

“He claims innocence pero makya mo ‘yung bahay niya sa Iloilo, mansion. I do not think that he is that rich.”

Diri kag nagbwelta si Mrs. Mabilog bangud sa masami nga paglawag ni Duterte sa pangalan sang iya bana.

“Greetings ko kay Digong: HAPPY ANNIVERSARY! Taga tuig dumduman mo gid si Jed ba,” pahayag ni Mrs. Mabilog.

Samtang ginsuyaan man ni Mrs. Mabilog si Duterte sa diin gintawag niya ini nga law-ay guya kag gintawag man nga lawlaw ang City Hall sang Davao.

“Lawlaw City Hall niya, law ay pa guya niya. Si Jed ya, undeniably, gwapo gid ya. Iloilo City Hall, bida pa,” dugang pa ni Mrs. Mabilog.

“Indi lang naman si Digong lang ang nahidlaw kay Jed. Ako man,” pahayag sang anay Iloilo City first lady.

Facebook Comments

bomboradyo