Sa nanuhay-tuhay nga bahin sang kalibutan, ginakabig sa gihapon nga problema ang pagpamatok sang kadam-an sa pagpaidalom sa COVID-19 vaccination kalakip na ang pagka-pislian sang iban angot sa vaccine brand.

Apang sa Rio de Janeiro sa Brazil, baliskad ang natabo bangud may isa ka lalaki nga ginapahayag nagpabakuna sang indi lang isa ka dose sang vaccine halin sa isa ka brand, kundi lima ka doses halin sa tatlo ka nanari-sari nga manufacturer sang bakuna.

Santo sa rekord sang mga opisyal, ang wala ginhingadlan nga lalaki ang nag-umpisa sa pagpabakuna sang Mayo tubtob sa Hunyo kag sang imbukada nga semana sang Agusto, diri na nadiskubrehan sang isa ka staff sa vaccination station ang vaccination marathon sang lalaki sang mapatublok pa kuntani ini sang isa pa ka COVID-19 shot.

Natukiban man nga nagpatublok sang una nga Pfizer shot ang lalaki sang Mayo 12, second dose naman sang AstraZeneca sang Hunyo 5, first dose sang Coronavac sang Hunyo 17, second dose sang Pfizer sang Hulyo kag second dose sang Coronavac sang Hulyo 21.

Sa iya pinakaulihe nga attempt, wala pa natumod sang mga otoridad kun ano kuntani nga brand sang bakuna ang luyag naman sini nga itublok sa iya.

Padayon naman subong ang imbestigasyon sang mga otoridad angot sa hitabo.

Facebook Comments

bomboradyo