Patay ang isa ka lalaki matapos nakuryente sa poste sang ILECO 1 sa San Miguel, Iloilo.

Ang biktima amo si Leonard Salarza, 30, isa ka contractor kag residente sang Barangay San Jose sang amo nga banwa.

Sa interview sang Bombo Radyo Pol. Master Sgt. Vicente Santoyo, imbestigador sang San Miguel Municipal Police Station, iya ginpahayag nga nagsaka si Salarza sa poste sang ILECO agud magtakod kuntani sang WiFi.

Suno kay Santoyo, may nahikapan nga open wire si Salarza sa diin nakuryente ini kag nahulog.

Gilayon pa ini nga gindala sang mga otoridad sa Aleosan District Hospital apang ginbawian man ini sang kabuhi.

Facebook Comments

bomboradyo