ILOILO – Patay ang isa ka lalaki matapos mabungguan sang patrol car sang Bingawan Municipal Police Station sa dalan sang Brgy. Matag-ub, Janiuay, Iloilo.

Ang biktima amo si John Emmanuel Gaje, 19, residente sang Calansanan, Badiangan, Iloilo.

Ang patrol car ang ginamaneho ni Police Corporal Nadjie Castor.

Sa interview sang Bombo Radyo kay Janiuay, Iloilo Sangguniang Bayan Member Felix Barranco, iya ginpahayag nga matapos nagpanaog ang biktima sa ginasakyan nga jeep, gilayon ini nga nagtabok sa dalan.

Suno kay Barranco, wala makapangaman ang driver nga pulis sang Bingawan Municipal Police Station sa gilayon nga pagtabok sang bata.

Naigo ang sang side mirror ang biktima sa diin nagtupa ang ulo sini sa semento nga amo ang gintunaan sang iya kamatayon.Padulong kutani sa Iloilo Police Provincial Office ang patrol car.

Sa subong, ginkustodiya sang Janiuay Municipal Police Station ang pulis.

Facebook Comments

bomboradyo