ILOILO CITY- Nasapwan nga nagabitay kag wala na sang kabuhi ang isa ka lalaki sa Alalasan, Lapuz, Iloilo City.

Ang biktima amo si Joy Hervas, 55 anyos, balo kag may duha ka kabataan nga lunsay seaman.

Sa interview sang Bombo Radyo kay Barangay Kagawad Sonia Porras sang amo nga barangay, iya ginpahayag nga nakit-an ang biktima sa sulod sang garahe sang salakyan nga iya ginabantayan sa diin nagabitay na ini gamit ang computer cord nga nahigot sa iya liog.

Gintuad ni Porras nga problemado kag nasubuan na sa pagpangabuhi ang nasambit nga lalaki bangud napatay na ang iya asawa sa balatian nga cancer samtang ginapahayag nga nagasunggod man ini sa iya duha ka kabataan.

Suno pa sa kagawad, antes nagpanginmatay ang biktima, nagsululuka ini sang dugo sang nagligad nga mga inadlaw apang wala sang ospital nga nagbaton sa iya bangod wala siya sang himata nga magabantay.

Dugang pa sang natungdan, pangayaw lang sa lugar ang lalaki kag tumandok gid ini sang Ajuy, Iloilo.

Facebook Comments

bomboradyo