Napasakaan na sang kaso ang lalaki nga amo ang ginatudlo yara sa likod sang pagpangawat sang gatong kag spare tire sa mga naka-park nga salakyan sa syudad sang Iloilo.

Ini amo si Steen Dy, 37, residente Aguinaldo St., Roxas City, Capiz kag nagapuyo subong sa isa ka subdivision sa Barangay Ungka II, Pavia, Iloilo.

Nadakpan pa sa akto si Dy nga nagakuha sang spare tire sang isa ka pula nga salakyan. Ginaalegar nagbato pa ini sa mga pulis sang gin-aresto.

Lakip sa ginapangatubang nga kaso sang suspek amo ang assault kag attempted theft.

Si Dy amo ang person of interest sa likod sang mga siphoning incidents sa Iloilo kun sa diin kalabanan medical personnel ang mga biktima.

-- Web Ads --

Naghatag naman sang statement si ICPO director Pol. Col. Leo Batiles kasunod sang amo nga accomplishment. Gindayaw sini ang mga pulis kag ginpasalamatan ang suporta sang City Governmnent.

Indi kaangay sa iban nga mga lugar suno kay Batiles, wala ginakulang ang mga police stations sa syudad sang resources, gatong, kag salakyan — bangud sa bulig sang local government unit.

Facebook Comments

bomboradyo