Atensyon sa mga tawo nga mahilig sa mahal apang wala sang inugbayad kag wala man sang gana nga magbayad!!!

Viral subong sa Vietnam ang picture sang isa ka lalaki nga naka-topless, naputos sa plastic ang lawas, nakasuksok sang bike helmet, kag nahigot sa puno sang kahoy sa Hanoi — ang capital sang nasambit nga pungsod.

Winter subong sa Vietnam kag nagakudog ang mga tawo bangud below 10 degrees Celsius ang temperature gani natural lang nga makibot ka kun makakita ka sang tawo nga wala sang bayo kag nagatindog sa karsada.

Sa dughan sang lalaki, may nakabutang nga sign nga “I hate paying for tattoos.”

Sang una, abi sang mga tawo, taktika lang ini sang isa ka tattoo artist agud nga makilal-an ang iya nga negosyo apang wala man sang nakabutang nga watermark ukon social media handle nga associated sa lalaki nga ginhigot sa kahoy.

Sang ulihi, may isa ka tattoo artist nga nag-ako nga siya ang responsable sa amo nga pagpatindog sa amo nga lalaki bangud ginaalegar nga wala ini nakabayad sa iya nga pagpa-tattoo sa iya nga lawas.

Bisan kapila na sukton, wala nagabayad ang lalaki kag nagapalagyo lang sa iya utang.

Ginpahayag nga gintudluan lang sang leksyon ang amo nga lalaki, apang ginbuy-an man dayon bangud naluoy ang tag-iya sang tattoo shop sa iya.

Facebook Comments

bomboradyo