ILOILO CITY- Aton kilalahon ang lalaki nga may pinakamadamo nga pirma.

Indi sa mga dokumento ha kundi sa iya lawas.

Siya amo si Funky Matas, isa ka social media entertainer nga na-base sa Florida, nga ginauyatan ang world record para sa pinakamadamo nga pirma nga gin-tattoo sa iya likod lakip na ang pirma sang mga celebrities kaangay nanday Will Smith kag Gerard Butler.

si Funky, nga ang iya matuod nga pangalan amo si Juan Matas, ang isa ka tattoo artist kag naghimo sang project nga magapanami sang iya career bilang online entertainer gamit ang iya lawas bilang canvas.

Didto na niya nadesisyunan nga pun-on ini sang pirma sang mga tawo gamit ang tattoo machine.

Sa masami, ginalagas niya ang mga celebrities agud magpirma sa iya likod agud nga permanente niya ini nga matatoo sa iya lawas.

Ang iya likod sa subong ang may yara na sang masobra 225 tattooed signatures, nga isa na ka world record.

Facebook Comments

bomboradyo