Sang yara pa lang kita sa lamharon nga edad, masami naton makit-an sa aton paborito nga cartoon character ang ila nagasaot nga ikog.

Masami naga-imagine kita kun ano ayhan ang pamatyagan kun may yara man kita sang matuod nga ikog kaangay sang iya ka kabayo kag ido.

Kun ikaw tuman ka curious kag luyag mag-angkon sang ikog nga daw matuod-tuod, indi na magkabalaka bangud may kompaniya nga nagatanyag sang baligya nga animatronic tail ukon ikog para sa mga tawo sa diin nagahulag ini via smartphone commands.

Ang Tail Company ang 15 ka-tuig na nga nagahimo sang mga realistic nga human tails ukon ikog.

Ang ginabaligya nga ikog ang may yara man sang feature nga removable covers sa diin mahimo ikaw makacharge sang imo nga power bank nga nagagarantiya sang tubtob 10 ka-oras nga paggamit.

Kun kinahanglan mo sang animatronic tail para sa imo proyekto nga cosplay ukon luyag mo lamang mag-enjoy sang nagaikul-ikol nga ikog, maangkon mo na ini sa balor nga 150 dollars ukon kapin P7,300.

Facebook Comments

bomboradyo