Gintanyagan si NLEX Road Warriors point-guard Kiefer Ravena nga maghampang sang basketball sa Japan.

Ini ang ginkumpirma mismo ni NLEX head coach Yeng Guiao.

Suno sa iya, ginkadto-an siya mismo ni Ravena agud istoryahan ang nangin offer sang Japan apang ini pa ang iya nga ginapanumdom kun ano bala ang iya mangin desisyon.

Pahayag pa ni Guiao, wala niya ginapamalabagan si Ravena nga batunon ang offer sang Japan apang may yara sang problema sa iya kontrata sa NLEX kag nakadepende man sa Philippine Basketball Association (PBA) kun bala pahanugutan siya nga makalakat sa Japan agud maghampang.

Sang Oktubre lang nakapirma sang kontrata si Ravena sa NLEX Road Warriors sa diin nagalawig ini sang tatlo ka tuig.

Ang nasambit nga kontrata ang magluwas pa sa iya ginpirmahan sa Uniform Player Contract sang PBA.

Facebook Comments

bomboradyo