Kapin 2 million na nga mga tawo ang ginpang-evacuate bangud sa mabaskog nga ulan kag lapnagon nga pagbaha sa Shanxi province sa China sa diin dugang nga 60 ka mga coal mines ang gin-untat sa pihak sang energy crisis sang pungsod.

Humalin pa sang tinalikdan nga semana nga malain ang tyempo sa nasambit nga lugar sa diin may mga balay nga nagguba, may mga landslides kag 70 ka mga distrito kag syudad sa Shanxi ang ginbaha.

Suno sa mga otoridad, 17,000 ka mga panimalay ang nag-collapse kag apat ka mga pulis ang napatay sa landslide.

Nagapangatubang subong ang China sang energy shortage nga amo ang nagahatag sang supply sang kuryente sa mga ports, factories kag mga balay.

Magluwas sa 60 ka mga coal mines nga ginpa-untat ang produksyon, una na nga gin-shutdown ang 70 sini sang Oktubre 4.

-- Web Ads --

Facebook Comments

bomboradyo