Ginpanindugan sang kampo ni presidential aspirant Ferdinand “Bongbong” Marcos Jr. nga may yara ini sang degree halin sa University of Oxford.

Suno kay Atty. Victor Rodriguez, chief of staff sang mga Marcos, ang degree ni Bongbong ang ginkumpirma mismo sang University of Oxford kag depende na sa mga tawo kun kwestyunon pa nila ang nasambit nga unibersidad.

“We stand by the degree confirmation which was issued by the University of Oxford. It is up to anyone to question or challenge this with the said university if they so please,”

Ini ang kasunod man sang concern nga ginpaggwa sang isa ka grupo sang Filipino students kag mga alumni sang prestihiyoso nga foreign learning institution nga Oxford Philippine Society.

Suno sa grupo, ginkumpirma man sang University of Oxford nga wala nakakuha sang degree si Bongbong sa amo nga unibersidad kag lunsay ”misinformation” ang iya academic achievement.

-- Web Ads --

“Bongbong Marcos did not obtain a Degree from Oxford, as confirmed by the University itself.”

Gin-athag naman ni Atty. Rodriguez nga humalin sang una, nangin tampad si Bongbong sa conferment sang iya special diploma sa social studies.

Apang suno sa Oxford Philippines Society, gin-awardan lang si Bongbong sang “Special Diploma” sa social studies sang 1978 apang indi ini isa ka course sang higher education kag indi man makabig nga degree.

“Bongbong Marcos did not finish his Degree… Bongbong Marcos has been awarded with a Special Diploma in Social Studies in 1978. A Special Diploma is not a degree, and neither is it comparable, superior nor equivalent to one.”

Nahibaluan nga ang anay senador ang nag-file sang iya kandidatura sa pagka-presidente sang Oktubre 6, adlaw matapos siya nagsumpa bilang myembro sang Partido Federal ng Pilipinas (PFP).

Facebook Comments

bomboradyo