Nagabilib si Gilas Pilipinas program director Tab Baldwin sa 18-anyos nga teen sensation nga si Kai Sotto kag sa iya development sa hampang sa basketball.

Si Kai ang may malip-ot nga appearance sa Gilas camp sang nagligad nga Pebrero.

Suno kay Baldwin, nakit-an man niya kun daw ano ang pagpursige kag ang commitment ni Kai agud makasulod sa NBA.

Sang Pebrero, nagbalik sa Manila si Kai agud updan ang Gilas sa ila preparasyon para kuntani sa final window sang FIBA Asia Cup Qualifiers sa Doha, Qatar.

Bangud sa quarantine restrictions kag wala nahauman nga pagkansela sa window, ginpahayag ni Baldwin nga gamay lang ang ila nasaksihan sa nangin performance ni Kai sa basketball floor.

Nagalaum si Baldwin nga pahanugutan si Kai nga makapasakop sa national team sa palaabuton nga mga tournaments.

Facebook Comments

bomboradyo