ILOILO CITY- Ginpasibangdan sang political aspirant kag anay broadcaster nga si Jun Capulot si Iloilo City Mayor Jerry Treñas nga amo ang sa likod sang mga trolls nga nagaatake kag nagapakamalaot gihapon sa iya sa social media.

Ini may kaangtanan sa isyu sadto sang ginkomentaran ni Capulot ang mga call center agents nga wala nagagamit sang utok.

Sa interview sang Bombo Radyo kay Capulot nga una na nagfile sang kandidatura sa pagka-alkalde bunggo kay incumbent Mayor Jerry Treñas, iya ginpahayag nga nangayo na siya sang pasaylo sadto sa mga nagatrabaho sa BPO companies.

Suno kay Capulot, may yara gid man sang mga call centers agents nga akig sa gihapon sa iya apang ang iban diri ang nagapakuno-kuno lang kag sa pagkamatuod, mga trolls ini kag ang utok ang wala liwan kundi ang alkalde.

Facebook Comments

bomboradyo