ILOILO CITY- Gintawag sang political aspirant kag anay broadcaster nga si Jun Capulot nga isa ka sahi sang pagpang-insulto sa pumuluyo sang Syudad sang Iloilo ang ginhimo ni Iloilo City Mayor Jerry Treñas nga kaangay ng pag-install sang iya pamilya sa pulitika.

Sa interview sang Bombo Radyo kay Capulot nga nagfile sang kandidatura sa pagka-alkalde agud kontrahon si incumbent Mayor Jerry Treñas, iya ginpahayag nga ginaamat-amat na ni Treñas nga magtukod sang political dynasty kasunod sang pagfile sang COC sang iya anak nga si Miguel Treñas sa pagka-konsehal kag si Raisa Treñas bilang first nominee sang USWAG ILONGGO partylist.

Suno kay Capulot, ginahimo ni Treñas nga hacienda sang iya pamilya ang syudad bangud kaangay nga luyag sang alkalde nga sila nalang ang magapalakat sang syudad.

Facebook Comments

bomboradyo