Ginpasakaan sang kaso sa International Criminal Court (ICC) ang Brazilian President nga si Jair Bolsonaro bangud sang ginapahayag nakomiter nga “crimes against humanity”.

Gin-angot ang amo nga kaso sa ginapahayag papel ni Bolsonaro kun ngaa naguba ang Amazon. Ini ang labing-una nga kaso nga nagaangot sa deforestation sa mga ginbawian sang kabuhi.

Ang nagpasaka sang panumbungon amo ang Austrian environmental justice campaigners nga Allrise kag ginsuportahan sang Climate Observatory, grupo sang 70 ka Brazilian civil society organizations.

Ginhingyo sa korte nga naka-base sa The Hague ang legal proceedings batok kay Bolsonaro kag sa iya administrasyon bangud sa iya ginhimo nga gina-alegar direkta nga nagkonekta sa negative impacts sang climate change sa bilog nga kalibutan.

Suno sa tagreklamo, nagkampanya si Balsonaro nga nagresulta sa murder sang environmental defenders kag nagbutang sa katalagman sa global population bangud sa emissions tuga sang deforestation.

-- Web Ads --

Ginatudlo man nga ang presidente ang responsable sa 4,000 square kilometres (400,000 hectares) nga nagakahalitan nga rainforest kada tuig.

Facebook Comments

bomboradyo