Pormal na nga iproklamar ni Manila Mayor Francisco “Isko Moreno” Domagoso subong nga adlaw, Septyembre 22, ang iya kandidatura sa pagka-presidente para sa 2022 national elections.

Patigayunon ang iya deklarasyon sa Baseco, Tondo. Mangin runningmate ni Domagoso ang cardiologist kag social media personality nga si Dr. Willie Ong.

Antes ang iya kumpirmasyon nga magapadalagan siya sa pagka-presidente, strong contender na nga daan si Domagoso sa 2022 presidential race; nagapangaduha siya sa kalabanan nga surveys may kaangtanan sa preferred presidential kag vice presidential bets.

Party president siya sang Aksyon Demokratiko, isa ka political party nga ginkilala sang 1998 sang Commission on Elections (Comelec).

Si Ong naman ang kilala man sa social media; may yara siya sang 16.37 million followers sa Facebook, 16.1 million followers sa Twitter, kag 6.52 million subscribers sa Youtube. Nagpadalagan siya sa pagkasenador sang 2019 apang wala nagdaug.

-- Web Ads --

Kilala si Ong online bangud sang iya health kag medical tips nga ginahatag sa iya nga followers.

Nakuha niya ang 18th slot sang 2019 nga may kabug-usan nga 7.4 million votes.

Facebook Comments

bomboradyo