Nagahanda na ang Ilongga nga si Irish Magno sa iya nga paghanas sa isa ka training camp sa Thailand samtang nagahilapit na ang 2021 Tokyo Games.

Si Magno ang tumandok sang Janiuay, Iloilo kag labing-una nga Filipina boxer nga qualified sa Olympics games.

Bangud sang COVID-19 pandemic, nangin limitado lang ang training ni Magno sang nagligad nga mga bulan.

Suno kay Magno, tuman ka budlay ang iya online training bangud wala sang partner-play kag wala sang sparring — indi kaangay sa actual training kun sa diin lain man ang iya nga pamatyag kun makasumpong niya sa ring ang iya nga live opponent.

Suno kay Magno, ginahulat na lang subong ang iya nga passport para makadayon na sa training sa Thailand.Ginpahayag man sang Iloilo-pride nga ginamaximize na lang niya ang tanan nga tion nga nabilin antes ang Olympics.

Facebook Comments

bomboradyo