Ginpatpat sang isa ka veteran stunt rider kag motorcycle expert ang pila ka mga butang nga dapat hatagan importansiya sang isa ka rider agud malikawan ang disgrasya.

Ini may kaangtanan sa narecord nga mga insidente sang disgrasya nga nag-utas sang kabuhi sang pila ka motorcycle riders.

Sa interview sang Bombo Radyo kay Francis Daban sang Iloilo Motorcycle Club, iya ginpahayag nga kalabanan sa mga disgrasya, 90% diri ang bangud sa human factor kag 10% naman ang bangud sa external factor kaangay sang motorsiklo kag dalan.

Suno kay Daban, kinahanglan nga bastante sa ihibalo ang isa ka rider kaangay sang husto nga pamaagi sa pagpreno kag pagliko kag kinahanglan man nga yara sa kondisyon ang motorsiklo.

Pahayag niya, mangin ang mga unauthorized nga modification sang motorsiklo ang delikado man bangud nga nagakaapektuhan ang performance sini sa dalan.

Dugang niya, isa man sa pinakaimportante nga dapat tandaan amo nga likawan nga magpadayaw-dayaw kun kulang pa sa ihibalo.

Apang kun luyag gid nga magpakita sang abilidad, mas maayo nga himuon ini sa safe nga lugar nga wala sang iban nga mahimo mahalitan.

Facebook Comments

bomboradyo