Dako ang pagpati sang Chef de Mission sang Pilipinas sa Tokyo 2020 Olympics nga madala pauli sang mga Filipino athlete ang pinakauna nga gold medal sang pungsod.

Sa exclusive interview sang Bombo Radyo kay Philippine Football Federation President Mariano Araneta, Jr., iya ginpahayag nga nagakadapat mangin inspirasyon sang mga atleta ang nagahulat nga P33 Million nga incentive para sa makaangkon sang gold medal sa diin nagadangat naman sa P16 Million ang nagahulat nga incentive para sa silver medalist kag P7 Million para sa bronze medalist.

Suno kay Araneta, pat-od nga preparado kag handa na ang mga balantayan nga tiglawas sang pungsod nga mahimo makabulsa pauli sang isa sa dalagko nga medalya.

Todo sa paghalong man suno sa iya ang tanan nga mga atleta sa diin, nakasuksok ang tanan sang face mask kag nagasunod sa iban pa nga istrikto nga health protocols.

Pahayag niya, tuman man ka bastante sang pagkaon para sa mga atleta sa diin, matawhay man nga maka-ehersisyo ang kada isa sa sulod sang 44-hectare Athlethes’ Village sa Harumi Waterfront District, Tokyo.

Nahibaluan nga nakuha sang Pinay boxer nga si Nesthy Peticio ang kadalag-an subong nga adlaw sa women’s featherweight division batok kay Marcelat Sakobi sang Congo.

Samtang, ginlutos naman ni Jun Jang sang South Korea ang tiglawas sang pungsod sa taekwondo nga si Kurt Barbosa sa men’s 58 kg category.

Facebook Comments

bomboradyo