Preparado na ang Filipino amateur boxer nga taga Janiuay, Iloilo para sa Tokyo Omlypics sa Hulyo 23.

Sa interview sang Bombo Radyo kay Irish Magno, iya ginpahayag nga masobra na tatlo ka bulan nga yara sila subong sa Thailand sa diin baka-baka na ang ila paghanas.

Adlaw-adlaw makit-an niya ang kaugalingon nga may yara sang improvement.

Apang indi malikawan ni Magno nga magkabalaka bangud tubtob subong wala pa sila nabakunahan kontra COVID-19 indi kaangay sa mga kaupod nila nga Thai boxers nga nakabaton na sang vaccine.

Nagapakig-angot naman ang ila nga asosasyon sa team sang Thailand nga kun mahimo dal-on na lang ang mga atleta sang Pilipinas nga makabaton sang bakuna bangud magahatag lang sang huol kun magapauli pa ang mga ini sa pungsod agud lang nga magpabakuna.

Nahibaluan nga gin-aprubahan sang Inter-Agency Task Force on Emerging Infectious Diseases (IATF-EID) ang rekomendasyon nga i-prioritize ang mga athletes, coaches kag iban pa nga mga delegates sa Tokyo Olympics kag Southeast Asian Games sa pagbaton sang vaccine.

Facebook Comments

bomboradyo