ILOILO CITY- Nagbalik na sa normal ang operasyon sang Iloilo Provincial Capitol subong nga adlaw matapos ginpasirado sang Abril 16 agud magpatigayon sang disinfection kasunod sang nagataas nga kaso sang COVID-19 sa probinsya.

Sa interview sang Bombo Radyo kay Iloilo Governor Arthur Defensor Jr., iya ginpahayag nga bukas na ang tanan nga opisina magluwas lang sa Receiving Section sang Office of the Governor bangud may pila ka personnel nga padayon nga gina-quarantine apang nagnegatibo na sa COVID-19.

Suno sa gobernador, ginkinahanglan ang paglockdown sang bilog nga kapitolyo bangud may mga personnel sang Provincial Environment and Natural Resources Office nga nakasimpon sa mga empleyado sang Daewoo Engineering & Construction Company sa Barangay Agcalaga, Calinog, Iloilo.

Ang nasambit nga kompaniya amo ang kontraktor sang ginatukod nga Jalaur River Multi-Purpose Project Stage II.

Nahibaluan nga 72 ang nagpositibo sa COVID-19 sa nasambit nga kompaniya.

Facebook Comments

bomboradyo