Tubtub sa Hulyo 22 ang pagpalawig sang modified enhanced community quarantine (MECQ) sa syudad kag probinsya sang Iloilo.

Suno kay Presidential spokesperson Atty. Harry Roque, pag-abot sang Hulyo 23, posible nga magabag-o ang quarantine classification kun indi pa gid magnubo ang numero sang kaso sa syudad kag probinsya.

Matandaan nga napuhag ang mga tawo sang nagligad nga mga adlaw bangud sa proposed classification sang Inter-Agency Task Force for the Management of Emerging Infectious Diseases (IATF-MEID) nga ipaidalom ang Iloilo Province kag Iloilo City sa Enhanced Community Quarantine (ECQ), ang pinakaistrikto nga quarantine classification.

Sunod nga nagpadala sang appeal letter sanday Iloilo City Mayor Jerry Treñas kag Iloilo Governor Arthur Defensor Jr. sa National IATF agud nga indi madayon ang ECQ kag ginmansig plastar sang duha ka opisyal ang COVID-19 situation sa syudad kag probinsya.

Ini nga apelar sang duha ka local chief executives ang ginsuportahan man sang Western Visayas Regional Inter-Agency Task Force (RIATF).

Subong nga aga, may meeting man ang RIATF kaupod ang mga local chief executives sa rehiyon.

SA SYUDAD SANG ILOILO

PHOTO: CMO/ARNOLD ALMACEN

Wala naman sang bag-uhon si Mayor Treñas sa mga pagsulundan sa syudad sang Iloilo kasunod sang anunsyo nga may isa ka semana nga extension sang MECQ.

Sa interview sang Bombo Radyo sa alkalde, iya ginpahayag nga sundon sa gihapon ang nakasaad sa Executive Order No. 55.

Ini nga EO ang ginpagwa sang naka-MECQ ang syudad halin Hulyo 1-15 kag amo man ang sundon tubtob sa Hulyo 22.

Ginapatuman ang curfew halin 11:00 sa gab-i tubtob 4:00 sa kaagahon.

Exempted sa curfew ang nagatrabaho sa warehouses, media, food manufacturing, kag iban pa nga kaangay nga negosyo kag trabaho nga naga-require sa mga tawo nga magpauli nga lapaw sa curfew hours.

Tanan nga indibidwal nga ginakabig close contact sang COVID-19 positive person ang dapat nga i-subject sa istrikto nga 14 ka adlaw nga quarantine.

  • Kun negatibo ang resulta sang test, kumpletuhon gihapon ang 14-day quarantine.
  • Kun positibo ang resulta, kumpletuhon ang 14-day quarantine kag kinahanglan nga i-reswab sa ika-14 nga adlaw sang quarantine.

Ginapahanugutan ang home quarantine kag facility quarantine.

*Mandated ang mga barangay officials, Barangay Health Emergency Response Teams (BHERTs), kag pulis nga magbantay sang maayo sa mga naka-home quarantine.

Sa bahin naman sang alcoholic drinks..

*Mahimo na nga maka-inom sang makahulubog nga ilimnon sa pampubliko nga lugar UNLESS OTHERWISE extended or lifted earlier.

*4:00 sa kaagahon tubtob 6:00 sa gab-i ang pagbaligya kag pagkonsumo sang makahulubog nga ilimnon

  • Kun naka-lockdown ang barangay, WALA SANG BALIGYAANAY KAG WALA SANG CONSUMPTION sang makahulubog nga ilimnon.

Sa mga capacities…

*Sa Take-out kag delivery sang pagkaon, full capacity
*Sa Outdoor dine-in services ukon Al Fresco – mahimo mapasaka sa maximum seating capacity nga 50%
*Ginapahanugutan ang indoor dine-in services apang tubtob sa 10% seating capacity lamang

Sa mga operasyon…

*30% nga seating capacity ang ginapahanugutan sa operasyon sang beauty parlors, barbershops, kag nail spas (santo sa DTI Memorandum Circular No. 21-15 series of 2021)

*10% seating capacity sa:

*indoor sports courts ukon venues para sa non-contact sports, scrimmages, games, or activities

*indoor sports courts or venues para sa non-contact sports, fitness studios, gyms, spas, kag iban pa nga indoor leisure centers ukon facilities, kag

*iban pa nga personal care services nga nagalakip sang make-up salons, medical aesthetic clinics, cosmetic ukon derma clinics, kag iban pa nga kaangay nga establisemento.

SA PROBINSYA SANG ILOILO

Photo: Bombo Sheina Marie Suelan

Samtang, suno naman kay Governor Defensor, amo man sa gihapon ang pagsulundan sa probinsya.

Ginpahayag ni Defensor nga indi masarangan ang ECQ apang ang pwede nga mahimo amo ang selective ECQ sa areas nga may continuous transmission kag clustering sang Covid-19 cases.

Nasapol naman niya ang mga mayors sa pag-implement sang smaller containment areas.

Santo sa latest data sang Iloilo Provincial Health Office (IPHO), ang probinsya ang may yara sang 2,968 ka active cases sang COVID-19.

Base sa nauna na nga ginpapanaog nga Executive Order No. 222, yari ang dapat mo tandaan kun ikaw residente ukon magapadulong sa Iloilo Province:

*Pahanugutan lamang ang take out kag delivery services sa tanan nga restaurant kag iban pa nga public dining;
*Ginadumilian ang operasyon sang bars, theaters, cinemas, internet cafes, amusement arcades kag playgrounds;

  • Ginadumilian ang tanan nga contact sports kag game activities;
  • Ginadumilian ang operasyon sang tanan nga personal care services kaangay sang barber shops, beauty parlors, cosmetic ukon derma clinics kag massage therapy kalakip na ang home service sang mga nasambit nga aktibidad;
  • Ginadumilian ang operasyon sang fitness studios, gym kag spa;
  • Ginapahanugutan ang outdoor sports apang sa gwa lamang sang balay ukon outside residence;
  • Ginadumilian ang pabulang kag iban pa nga gaming establishments;
  • Wala sang border control; indi na kinahanglan pa ang travel pass sa pagwa kag pasulod sa probinsya;
  • Wala sang liquor ban;
  • Ginapahanugutan ang religious gathering sa 30% capacity;
  • Ginalimitahan sa lima ka-adlaw ang pagpatigayon sang haya sa diin ang immediate family lamang ang ginapahanugutan nga magtambong pati na sa lubong;
  • Bukas ang resorts kag recreational venues para lamang sa mga returning overseas Filipinos nga i-quarantine apang siraduhon ang recreational facilities;
  • Ginapatuman ang curfew umpisa 9 sa gab-i tubtub 4 sa kaagahon; kag
  • Ginadumilian ang tanan nga public events kag gatherings kaangay sang fiesta, festivals, birthday, anniversary, wedding, baptismal celebrations kag receptions

Facebook Comments

bomboradyo