ILOILO CITY- Nagasinggitan sang hustisya ang pamilya sang solterito nga gin-gulgulan sa liog sa Barangay Alabidhan, Bingawan, Iloilo.

Ang biktima amo si Ian Adorable, 16, residente sang Poblacion, Bingawan, Iloilo.

Sa interview sang Bombo Radyo kay Analisa Adorable, iloy sang biktima, iya ginpahayag nga dako ang iya pagpati nga ang pamilya sang nobya sang iya bata ang sa likod sang brutal nga pagpatay sa biktima.

Suno sa iloy, sang nagligad nga mga inadlaw, nakit-an niya nga nagapanilag sa ila balay ang utod sang nobya sang solterito.

Gintuad niya nga sadto pa ginapamilit sang mga kauturan sang nobya sang biktima nga kinahanglan nga magdayunay gid ang mga ini kag ginpatuan-patuan pa sadto sang pamilya sang dalagita nga gin-rape ini sang biktima apang suno sa iloy, indi ini mahimo sang iya anak.

Dugang niya, kahapon sang naglagaw si Ian sa nasambit nga barangay kag posible nga didto nga ginpan-an siya sang utod sang iya nobya kag natigayon ang plano nga pagpatay sa iya.

Gilayon naman nga nangin dulaan ang ginatumod sang iloy nga nagpatay sa iya anak.

Mensahe niya sa nagpatay sa iya anak,kabuhi man ang ila ibayad bangud kabuhi man sang iya anak ang ila gin-utas.

Facebook Comments

bomboradyo