Nagapangatubang sang sampaw-sampaw nga kaso ang isa ka retirado nga police official matapos ginsakit kag ginbuyayaw ang traffic investigator sang Lapaz Police Station sa Syudad sang Iloilo.

Ang arestado ginkilala nga si Retired Police Col. Agustine Molina,59 anyos, residente sang Manuela Subdivision, Maasin, Iloilo.

Samtang, ang tagreklamo nga pulis amo si Staff Sergeant Van Eric Solarte,38, residente sang Sinikway, Lapuz,Iloilo City, kag imbestigador sang Lapaz PNP.

Una diri, nagresponde si Solarte sa isa ka aksidente kun sa diin may nabungguan nga de-pampasahero nga jeep ang awto nga ginamaneho sang retirado nga pulis.

Sang ginpamangkot ang retirado nga pulis, sa baylo nga magkooperar, nangakig pa ini, ginbuyayaw kag gindukol ang kaangay nga pulis.

Sa subong, napreso na ang retirado nga pulis kag nagapangatubang sang mga kaso nga Physical Injury, Direct Assault, Grave Threats kag Oral Defamation.

Facebook Comments

bomboradyo