Nagpahanumdom ang Iloilo City Police Office (ICPO) nga apisar natapos na ang hard lockdown sa syudad sang Iloilo kahapon, Agusto 8, extended naman ang Enhanced Community Quarantine (ECQ) tubtub sa Agusto 15.


Buot silingon sini, wala sang pag-relax sa ginapatuman nga mga protocol.

PHOTO: CMO


Sa interview sang Bombo Radyo kay Police Captain Shella Mae Sangrines, spokesperson sang ICPO, iya ginpahayag nga yara sa gihapon ang quarantine control points kag essential travelers lang gihapon ang ginapahanugutan nga makasulod sa syudad.


Tanan nga Authorized Persons Outside Residence (APOR) halin sa Panay Island ang nagakinahanglan nga magpakita sang valid ID.

Kun halin naman ang APOR sa Negros Island, kinahanglan nga mag-comply sa S-Pass System, may valid ID, kag dapat nga may negative swab test result nga nakuha 72 ka oras antes ang byahe.


Kun balikan ang Executive Order No. 70 ni Mayor Jerry Trenas, nakasaad nga bangud sa city-wide border control, ang allowed lang nga makabyahe amo ang may tuyo para sa:
* Trabaho;

* Medical needs;

* Pag-access sa government services;

* Pag-transport sang goods kag iban pa nga contruction materials;

* Humanitarian nga mga rason; kag,

* Pagpabakuna sang Covid-19 vaccine


Ginapahanugutan man ang:
* Returning Overseas Filipino workers, Returning Iloilo City residents, kag Authorized Persons Outside of Residence;

* Residente sang mga probinsya sang Iloilo kag Guimaras #

Facebook Comments

bomboradyo