ILOILO CITY- Excited nga nagpauli ang isa ka amay agud paandaron sa ila balay kag ipakita sa iya anak ang nadaugan nga Limited Edition Commemorative radio set nga may logo 55th Anniversary sang Bombo Radyo Philippines kag 200 pesos cash sa Radyo Para sa mga Ilonggo.

Sa interview sang Bombo Radyo kay Rogene Ordonia, residente sang Bonifacio Street, Arevalo, Iloilo City, iya ginpahayag nga daw indi matakos ang iya kalipay bangud isa siya sa nakabaton sang ginapanagtag nga 3,200 ka bag- o nga radio sets sang Bombo Radyo Philippines kag nakaambit sa 3.2 million nga total prizes nationwide.

Suno kay Ordonia, halongan niya ini nga radyo bangud isa ini sa mga butang nga tuman ka mapuslanon sa subong nga panahon sang pandemya nga limitado ang hulag sang tawo apang ang balita wala sang limitasyon.

Ang limited edition commemorative radio set nga may 55th anniversary logo sang bombo radyo philippines, hindi peke, bangud wala ini sang fixed dial, wala naka quarantine ukon wala na lockdown sa isa lang ka waragwagan, wala nakapon ukon wala nahigot sa isa lang ka istasyunan, wala na welding sa isa lang ka dial , pwede magamit bisan diin mo dal-on nga lugar kag makapamati ikaw sa imo paborito nga waragwagan.

Ang Radyo para sa mga Ilonggo,kabahin sang ika 55-anyos nga aniversaryo sang Bombo Radyo Philippines. Magpasakop na kag mahimo ikaw na ang masunod nga mapalaron nga winner.

Facebook Comments

bomboradyo