ILOILO CITY – Nagalab-ot sa P750,000 nga balor sang shabu ang nakuha gikan sa tatlo ka bigtime drug pusher nga nadakpan sa joint buy bust operation sang Regional kag City Drug Enforcement Agency, Molo PNP kag Jaro PNP.
Sa interview sang Bombo Radyo kay Police Chief Inspector Marlon Valencia, hepe sang Molo PNP, naglab-ot sa 15 ka bulto kag 28 ka sachet sang shabu ang nakuha gikan kay Susan Sobrebpeña, 38, sang San Miguel, Iloilo; kag duha ka upod nga sanday Jenevy Horiona, 37, sang Delgado, City Proper; kag Vivien Bayani, 37, sang Puerto Real Subdivision, La Paz, Iloilo City.
Madugay na suno kay Valencia nga ila ginabantayan ang drug transaction sang mga suspetsado antes nabaklan sang isa ka bulto nga balor P15,000 si Sobrepeña.
Santu sa ila nga pag-usisa, halin pa sa Metro Manila ang suplly sang shabu nga ginabaligya sang tatlo diri sa siyudad sang Iloilo.

Facebook Comments

bomboradyo