Nakahiligan mo man bala nga islan ang duag sang imo nga buhok sa tunga sang wala untat nga quarantine subong nga COVID-19 pandemic?

Natestingan mo na ang blonde, ash-gray, brown, green kag iban pa nga duag sa imo nga buhok, apang daw may kulang sa gihapon?

Sa Barcelona, Spain, may isa ka stylist kag hairdresser nga wala lamang nagbida sa pagcolor sang buhok kundi nagpanguna man sa pagprint sang nanuhay-tuhay nga disenyo diri.

Napamatud-an sang hairdresser nga si Alexis Ferrer nga ang printing, wala lamang ginaobra sa mga nagkalain-lain nga papel kundi posible man nga himuon sa buhok sang ulo sang tawo.

Suno kay Ferrer, pila niya ka-tuig nga gintun-an ang pagdevelop sang technique agud makaprint sang colorful nga disenyo sa buhok.

Tuig 2012 sang ginbaton ni Ferrer ang challenge sang isa ka haircare brand nga mag-obra sang pinasahi nga ‘innovation’ sa patag sang hairdressing.

Pahayag ni Ferrer, didto kag gintestingan niya ang ‘photographic printing’, isa sa ginakabig niya nga pinasahi nga story telling sa ginprint nga mga disenyo sa buhok sang tawo.

Sa una nga kahigayunan, nangin agaw-atensyon na si Ferrer sa madamo nga tawo sa diin sa subong, bantog na siya sa iya pungsod sa patag sang hair printing.

Facebook Comments

bomboradyo