Gindeklara sang Guinea nga wala na sang outbreak sang Marburg virus sa nasambit nga pungsod– anom ka bulan humalin sang na-detect ang una nga kaso sang nasambit nga balatian.

Ang outbreak ang nagtuhaw sa Guinea duha ka bulan matapos gindeklara nga hilway na sa Ebola ang pungsod .

Wala sang bulong ukon bakuna nga naga-eksister para sa nasambit nga balatian nga nalakip sa filovirus family.

Ang sintomas sini ang ginalakipan sang mataas nga hilanat kag internal/external bleeding.

Agud malikawan ang paglapta sang virus, nag-umpisa ang Guinean health authorities sa pag-monitor sa 170 ka mga high-risk contact cases sang una nga biktima sang Marburg.

Sa statement sang World Health Organization (WHO), ila ginpahayag nga wala na sang iban pa nga kaso nga na-detect kag tapos na ang outbreak.

Pahayag pa sang WHO, ang maayo nga response sang Guinea sa outbreak ang nagsalbar sa kabuhi sang mga tawo.

Facebook Comments

bomboradyo