ILOILO CITY- Nagapabilin nga nagapanguna nga dental problem sa mga Filipino amo ang guab ukon cavities.

Sa interview sang Bombo Radyo kay Dr. Samiha J. Samara, presidente sang Philippine Dental Association- Iloilo Chapter, iya ginpahayag nga mayor nga kabangdanan sang guab amo ang indi pagpanipilyo sang ngipon.

Suno kay Dr. Samara, pinakaepektibo nga solusyon agud malikawan ini amo ang regular kag husto nga pagsipilyo.

Paathag sang natungdan, ang husto nga pagsipilyo ang nagalawig sang duha ka minutos, kinahanglan nga nagapalibot ang direksyon sang pagsipilyo, kag dapat nga mahinay lang ang pressure.

Magluwas sa ngipon, kinahanglan man nga i-brush ang dila.

Ang fluoride content sang toothpaste ang yara sa 1000 tubtob 1500 parts per million.

Ang size sang toothpaste ang nagadepende sa edad: daw pasi(grain of rice ang para sa under 3 years old; daw liso sang monggo ang para sa 3-6 years old; kag green beans seed ang para sa 6 years old pataas.

Dugang ni Dr. Samara, mas maayo gid nga regular man ang pagpakonsulta sa dentista.

Facebook Comments

bomboradyo