Ginsuportahan sang daku nga medical organization sa Tokyo, Japan ang mga panawagan sa otoridad nga kansehalon anay ang pagpatigayon sang Tokyo Olympics.

Suno sa Tokyo Medical Practitioners Association nga ginabug-usan sang 6,000 ka primary care doctors, puno na gid ang mga ospital sa ila nga syudad kag wala na sang kapasidad nga magbaton sang dugang nga pasyente bangud nagasaka pa subong ang kaso sang COVID-19 sa Japan.

Sa sulat nga ginpadala sang organisasyon kay Prime Minister Yoshihide Suga sang Mayo 14, nagpahayag ang grupo nga kuntani kumbinsehon man ang International Olympic Committee nga mabudlay subong ang pag-host sang hinampang kag mas maayo nga ipaiway anay.

Una diri, may mga health experts kag medical groups nga nagpamatok man sa pagpatigayon sang hampang sa Olympics kag may online petition nga ginpirmahan sang linibo ka mga tawo.

Facebook Comments

bomboradyo