ILOILO CITY- Patigayunon na subong nga adlaw ang groundbreaking ceremony para sa patindugon nga legislative building sang Iloilo City Government.

(photo:Iloilo City Gov’t)

Sa interview sang Bombo Radyo kay Iloilo City Mayor Jerry Treñas, iya ginpahayag nga ang P246-million seven-story multi-purpose Legislative Parking Building ang may yara sang foot bridge nga magakonekta sa city hall.

(photo: Iloilo City Government)

Suno kay Treñas, ang duha ka panalgan ang magaserbi nga opisina sang mga city councilor samtang ang una nga panalgan ang pahamtangan sang mga city offices.

Magaserbi naman nga parking spaces ang ikaduha tubtob ikalima nga panalgan kon sa diin ang kada floor ang may area nga 1,000 square meter nga makaakomodar sang 25 ka salakyan.

May yara man sang tatlo ka elevators ang pasilidad para sa mas mahapos nga transakyon sang publiko.

-- Web Ads --

Tukoron ang building sa tupad sang Ker and Co. heritage building sa likod sang City Hall.

Facebook Comments

bomboradyo