ILOILO CITY – Ginkalipay ni Iloilo City Mayor Jerry Treñas ang pagpatukod sang P6.7 billion nga production facility sang San Miguel Brewery Inc. sa Brgy. Gua-an, Leganes, Iloilo.

Ini ang kasunod sang ginpatigayon nga groundbreaking ceremony nga ginpangunahan ni San Miguel Corp. President kag Chief Operating Officer Ramon Ang kaupod sanday Senate Minority Leader Franklin Drilon, Iloilo Gov. Arthur “Toto” Defensor Jr., Iloilo 2nd district Rep.

Michael Gorriceta, Leganes Mayor Vicente Jaen II, Iloilo City Mayor Jerry Treñas, Department of Environment and Natural Resources

Secretary Roy Cimatu, AAMBIS-OWA Partylist Rep. Sharon Garin kag Vice Governor Christine Garin.

Sa interview sang Bombo Radyo kay Treñas, iya ginpahayag nga makatuga sang madamu nga trabaho ang pagpatukod sang brewery sang nasambit nga kompaniya.

-- Web Ads --

Suno kay Treñas, indi lamang ang mga taga-probinsya sang Iloilo ang makabenepisyo sang trabaho kundi lakip man ang mga taga-syudad sang Iloilo kag mga taga-Guimaras.

Ginpahayag ni Treñas nga magluwas sa pagpatukod sang brewery, nagpabutyag man si Ang nga mag-invest sa syudad sang Iloilo nga ginalauman nga makabulig sa pagpa-uswag sang ekonomiya kag amo man ang pagkaayo sang mga pantalan.

Ini man ang rason suno sa alkalde nga asud-asud nga mga pagbag-o ang ginapatigayon sa syudad sang Iloilo agud nga makaganyat sang madamo nga investors.

Iloilo City Mayor Jerry Treñas

Facebook Comments

bomboradyo