Rayjand Gellamucho (center)

ILOILO CITY – Bukas para sa tanan ang Green Technology Business Incubation Facility sa West Visayas State University nga yara sa idalom sang Department of Science and Technology.

Sa Good Morning Philippines program, ginpahayag ni Rayjand Talaban Gellamucho, general manager sang Green Technology Business Incubation Facility, nga ang nasambit nga programa ang yara sa idalom sang Department of Science and Technology nga may katuyu-an nga magtipon sang ideya ukon impormasyon nga mahimo mangin negosyo.

Suno kay Gellamucho, ang Green Technology Business Incubation Facility ang kasubong sang isa ka incubator nga nagabulig sa isa ka negosyo nga mangin madinalag-on ilabi na sa patag sang green products kag Information and Communications Technology.

Ginpahayag ni Gellamuco nga magluwas sa West Visayas State University, nagatanyag man sang kasubong nga programa ang University of the Philippines-Visayas kag ang Iloilo Science and Technology University apang may yara lang sila sang nagakalain-lain nga focus.

Sa subong suno sa natungdan, may yara na sang lima ka negosyo nga napatigayon kag napauswag sa bulig sang Green Technology Business Incubation Facility nga amo ang nagapangita sang paagi agud nga makasulod sa business market ang isa ka business idea.

-- Web Ads --

Ang mga aspiring business entrepreneurs ang mahimo nga magpasa sang application kag maga-agi sa maid-id nga screening sang panel.

Ang mga mapili-an ang pagahatagan sang 6 ka bulan agud nga mapatuman ang business idea kag ang ginabasehan sa monitoring amo ang kita.

Rayjand Talaban Gellamucho, general manager, Green Technology Business Incubation Facility

Facebook Comments

bomboradyo