ILOILO CITY- Nagdepensa si Iloilo Governor Arthur Defensor Jr. tuhoy sa finding sang Commission on Audit nga nagalab-ot sa P322.154 million nga current kag continuing appropriation sa Special Education Fund (SEF) nga wala na- fully utilize para sa nagakaigo nga katuyuan.

Base sa COA findings, ang nagasto gikan sa SEF current appropriation nga P155.000 million ang yara lang sa P37.968 million kag ang unobligated/unutilized balance ang yara sa P117.032 million ukon 75.5 percent.

Samtang ang continuing appropriations,humalin sa 2015, 2017, 2018 kag 2019 nga nagadangat sa P205.122 million ang may zero obligation/utilization, gani sa kabilugan,ang unobligated/unutilized balance ang yara sa P322.154 million ukon 89.5 percent sang total current kag continuing appropriations nga P360.122 million

Sa interview sang Bombo Radyo kay Governor Defensor, iya ginpahayag nga madamo sang wala magasto bangud mas nagtutok ang probinsya sa mga infrastructure projects sa mga eskwelahan kaangay sang pagpahimo sang mga washrooms,toilets kag water system.

Apang suno kay Defensor, padayon man ang iban nga mga proyekto sa mga eskwelahan sa probinsya.

Gin-ako man niya nga indi man tanan nga proyekto ang maarapalan sang Provincial Engineer’s Office rason nga ang iban nga proyekto kag pondo sa idalom sang SEF ang gina-download sa mga Local Government Units.

Dugang man sang gobernador, nagdugang man sang personnel sa Provincial Engineer’s Office agud nga mapadasig ini nga mga proyekto.

Facebook Comments

bomboradyo