Isa na lang ka daog ang kinahanglan sang Barangay Ginebra San Miguel agud makuha ang kampeonato sa PBA Philippine Cup Finals.

Ini matapos nga makuha sang Ginebra ang 3-1 nga serye batuk sa TNT Tropang Giga sa diin 98-88 ang score sa Game 4 nga ginhiwat sa Angeles University Foundation Sports Arena and Cultural Center.

Lunsay nakarekord sang tag 22 points sanday LA Tenorio kag Japeth Aguilar samtang may yara naman sang 16 points si Stanley Pringle.

Wala naman napuslan ang nahimo nga 34 points ni RR Pogoy kag 19 points, 16 rebounds ni Poy Erram.

Nahibaluan nga tuig 2007 ang ulihe nga nangin kampeon sa Philippine Cup ang Ginebra.

Facebook Comments

bomboradyo