Indi na makahulat pa si National team stalwart Gabe Norwood nga makit-an nga nagaperform ang mga “young Gilas Pilipinas squad” sa FIBA competitions sa masunod nga bulan.

Si Norwood ang isa ka Filipino-American professional basketball player nga nagahampang sa Rain or Shine Elasto Painters.

Magapadala sang “young team of cadets” ang Samahang Basketbol ng Pilipinas (SBP) sa FIBA Asia Cup 2021 qualifiers sa Clark, Pampanga sa Hunyo 16 tubtob 20, amo man sa FIBA Olympic Qualifying Tournament sa Belgrade, Serbia sa Hunyo 29 tubtob Hulyo 4.

Wala nagaduha-duha si Norwood nga mapakita sang mga kabataan ang ila maayo nga performance sa duha ka mga events.

Ang nagahatag sang kumpiyansa kay Norwood nga masarangan sang mga youth players ang paghampang amo nga bangud ginahatagan sang mga kabataan sang oras ang ila nga paghanas humalin sang pag-umpisa sang tuig para sa duha ka mga FIBA competitions.

Sa subong, ang Gilas Pilipinas ang may yara sang 3-0 record sa Group A sang FIBA Asia Cup 2021 qualifiers.

Facebook Comments

bomboradyo