Makaupod sang Gilas Pilipinas ang New Zealand kag South Korea sa Group A sang 2023 FIBA World Cup Qualifiers.

Bilang isa sa mga host sang FIBA World Cup 2023 kaupod ang Japan kag Indonesia, automatic nga qualified ang Pilipinas.

Group B naman ang Australia, China, Japan kag Taiwan.

Samtang Group C naman ang Jordan, Lebanon, Indonesia kag Saudi Arabia.

Ginpangunahan naman sang Iran ang Group D kaupod ang Kazakhstan, Syria kag Bahrain.

-- Web Ads --

Pagahiwaton ang first window sang home-and-away sa Nobyembre samtang ang masunod nga window para sa first round schedule ang patigayunon sa Pebrero, Hunyo kag Hulyo sa masunod nga tuig.

Matandaan nga ang pinakaulihe nga pag-atubangay sang Pilipinas kag South Korea amo ang sang nagligad nga duha ka bulan sa Asia Cup qualifiers sa Clark, Pampanga kun sa diin nagdaog ang Gilas sa score nga 81-78.

Ang pinakamaragtason nga pagdaog sang Pilipinas sa FIBA World Cup amo ang sang 1954 sa Rio de Janeiro kun sa diin na-secure sang pungsod ang bronze medal.

Facebook Comments

bomboradyo