ILOILO CITY- Desidido si anay Iloilo City Councilor Plaridel Nava nga mapa-dismiss sa serbisyo ang 16 ka mga pulis lakip na diri ang apat ka mga opisyal nga involved sa iligal nga pag-aresto sa duha ka bodyguards sang anay konsehal sang 2019.

Nahibaluan nga ginpamatbatan sang Ombudsman nga guilty sa simple misconduct kag ginsuspend sang isa ka bulan sanday anay ICPO Director Col Martin Defensor; anay Mandurriao PNP chief PLt Col Marlon Valencia; PLt Col Godfrey Buslotan kag PLt Col Jonathan Pablito kag 12 ka iban pa kalakip sanday PSsgt Vernie Escorial kag PSSgt Ricardo Morante nga involved sa twin shooting kung saan isa sa mga napatay amo si Delfin Britanico nga anak ni any Iloilo assemblyman kag Banat Partylist representative Salvador Britanico.

Sa interview sang Bombo Radyo kay Nava, indi siya kumporme nga nahulog lang sa simple misconduct ang kaso nga Grave Misconduct, Grave Abuse of Authority and Conduct Prejudicial to the Best Interest of the Service nga iya ginpasaka batok sa mga katapo sang Iloilo City Police Office nga nagpatigayon sang warrantless arrest sa iya mga bodyguards nga sanday Roy Delos Reyes kag Rex Delos Reyes nga gintudlo sadto nga suspek sa pag-ambush sa iya pakaisa nga si Mercedes “Gingging Nava kag isa ka kaupod sini.

Suno kay Nava, ginahikot na niya ang pag-file sang Motion for Reconsideration sa pinakamadali nga panahon.

Dugang pa niya, plano man niya nga ipasaka ini sa korte suprema sa tion nga indi pag-aprubahan ang ipasaka niya nga motion for reconsideration angot sa penalidad nga idagdag sa mga pulis.

Facebook Comments

bomboradyo