Nakaagi ka na langoy sa kahawaan? Posible na ina subong sa Sky Pool didto sa London — bag-o bukas nga swimming pool nga nahimo na nga atraksyon kag viral subong sa social media.

Ang bag-o nga Sky Pool isa ka transparent nga swimming pool nga gintukod sa tunga sang duha ka building nga nagataas sang kapin 100 ka tapak.

Ini nga acrylic pool ang nagalaba sang 80 ka tapak, kag 45 ka tapak sini ang yara gid sa tunga sang duha ka high-rise building — buot silingon, kun sin-o man ang nagalangoy didto sa ibabaw, mahatagan siya sang illusion nga nagalutaw siya sa panganod.

Mayo 19 sang ginbuksan ang amo nga pool. Summer sang 2020 ang orihinal nga plano sa pagbukas sini apang na-delay bangud sa COVID-19 pandemic. Limitado lamang ini sa mga residente sang Embassy Gardens apartments.

Sa kilid sang pool, sa may building, may yara sang spa, bar, private cinema, indoor pool, co-working spaces, kag greenhouse nga may yara sang orange trees. Apang indi man basta-basta nga makalangoy diri, ha.

Kinahanglan mo anay nga mangin residente sang apartment. Ini nga pool ang nagapangaga sa kalabanan — ilabi na sa mga tawo nga tuman ang kahadlok sa heights. Siling pa gani sang iban, ini nga pool, isa ka “disaster that’s already happened.”Te, masarangan mo ni?

Facebook Comments

bomboradyo