Nag-istoryahanay sanday Chinese President Xi Jinping kag US President Joe Biden sa labing una nga kahigayunan matapos ang pito ka bulan nga pagpungko ni Biden sa pwesto.

Sa statement sang White House, ila ginpahayag nga ang duha ka mga lider ang nag-istoryahanay tuhoy sa mga responsibilidad sang duha ka mga pungsod agud masiguro nga indi magtuga sang conflict ang kompetisyon.

Nahibaluan nga may yara sang tensyon ang relasyon sang US kag China may kaangtanan sa mga isyu kaangay sang trade kag sang pandemya.

Matandaan nga sang si anay US President Donald Trump ang yara pa sa pwesto, masami ini nga nagapakigkita ukon naga istorya kay President Xi.

Sa sulod sang una nga anom ka bulan sang iya administrasyon, makaduha na siya ka beses nga nag-istorya via phone call sa Chinese President kag gin-imbitar pa niya si President Xi sa Mar-a-Lago — ang private club ni Trump sa diin sila nag-istoryahanay “in person”.

Facebook Comments

bomboradyo