Ginkilala bilang isa sa mga World Chess Hall of Fame sang World Chess Federation si Filipino Grandmaster Eugene Torre.

Siya ang labing una nga lalaki gikan sa Asya nga nakabaton sang nasambit nga pasidungog.

Suno kay Torre, bugal para sa iya nga siya ang labing una nga Asian male player nga nominado sa World Chess Federation.

Ang importante pahayag niya, nahatagan man sang pagkilala ang mga Asyano sa chess nga sa pagkamatuod mas beterano pa ang mga Russians, Americans kag Europeans sa nasambit nga hampang.

Kaupod ni Torre nga yara sa exclusive list sang mga players nga nalakip sa Chess Hall of Fame amo sanday French chess player Alexander Alekhine, Russian chess player Anatoly Karpov kag Russian chess grandmaster Garry Kasparov.

Nahibaluan nga si Torre ang nangin labing una nga grandmaster sang Asya sa edad nga 22 sang 1974 kag nalakip sa Philippine Sports Hall of Fame sang 2016.

Facebook Comments

bomboradyo