Ginhatagan na sang Food and Drug Administration (FDA) sang emergency use authorization para sa COVID-19 vaccine ang gin-manufacture sang Chinese firm nga Sinopharm.

Suno kay FDA director general Dr. Eric Domingo, ginreview sang mga eksperto sang ahensya ang application sang Sinopharm sa diin ang ila application ang natigayon nga ma-approve.

Nahibaluan nga sang Mayo lang, gin-arubahan naman sang World Health Organization (WHO) ang Sinopharm para sa emergency use.

Ini ang labing una nga bakuna sang China nga nakabaton sang green light sa WHO.

Ang Sinopharm vaccine ang natigayon na nga madeploy sa nagkalain-lain nga mga pungsod sa bilog nga kalibutan.

Matandaan nga Sinopharm vaccine ang ginbakuna kay Presidente Rodrigo Duterte sang Mayo 3.

Nahatagan naman sang WHO sang emergency use ang mga bakuna nga ginhimo sang Pfizer-BioNTech, Moderna, Johnson and Johnson, kag AstraZeneca nga ginhimo sa separado nga mga lugar sang India kag sa South Korea.

Facebook Comments

bomboradyo