Madulom pa sa gihapon subong kun aprubahan gid man ang petition sang transport groups sa pungsod nga pasakaan ang plete sang mga pasahero sa mga jeep.

Ang hingyo sang transport sector ang kasunod sang binulan na nga pagtaas sa presyo sang gatong.

Gin-quote ni Land Transportation Franchising and Regulatory Board (LTFRB) Chairman Martin Delgra ang “guidance” ni Department of Transportation (DOTr) Secretary Arthur Tugade nga kun pwede, indi lang pagpataasan ang bayad sa public utility jeepneys (PUJs) bangud madamo ang maapektuhan.

PHOTO: CMO

“Ang guidance po ni [Transportation] Secretary [Arthur Tugade], kung puwede hindi magtataas ng pamasahe. On one hand we understand very much the concern and basis for the petition pero kung papayagan po natin ang petition na ‘yan, may matatamaan naman na mas nakakarami,” suno kay Delgra.

Irekomenda na sang DOTr suno kay Delgra nga i-increase lang ang seating capacity ukon ang pwede nga makasakay sa mga public transportation.

-- Web Ads --

Pwede man dugang niya nga buhion ang fuel subsidy ukon damuon ang diskuwento sang mga gasolinahan sa mga public jeepneys.May patigayunon man nga pagsinapol sa House transportation committee agud istoryahan ang diskarte kun paano mabuligan ang transport sector.

Facebook Comments

bomboradyo