Nagsaka sa 37,000 ang numero sang mga estudyante nga enrolled na para sa school year 2021-2022 sa probinsya sang Guimaras.

Sa interview sang Bombo Radyo kay Ma. Roselyn Palcat, Schools Division Supirentendent sa Guimaras, iya ginpahayag nga nagalaom sila nga madugangan pa ang numero sang enrollees antes matapos ang enrollment period sa Septyembre 30.

Suno kay Palcat, halos napanagtagan naman ang tanan nga mga estudyante sang ila nga module kalakip na ang mga naga-istar sa malayo nga isla.

Dugang pa sang natungdan, padayon man ang pagpakig-angot sang mga manunudlo sa ila mga estudyante agud nga ma-monitor ang ila pagtuon sa tunga sang nagapadayon nga pandemya.

Facebook Comments

bomboradyo