Magalab-ot pa sa masobra isa ka dekada bag-o mabalik ang pre-pandemic growth sang ekonomiya sang Pilipinas.

Suno kay National Economic and Development Authority (NEDA) Planning Secretary Karl Chua, ang long run total cost sang quarantine tuga sang COVID-19, ang posible magsaka sa $810 billion ukon P41.4 trillion.

Ini nga losses sa ekonomiya suno sa iya ang mabatyagan sa masunod nga 10 tubtob 40 ka tuig.

Posible man suno kay Chua nga mangin permanente ang pagnubo sang economic productivity tuga sang death, illness kag lack of schooling sa tunga sang COVID-19 pandemic.

Pahayag ni Chua, nagresulta man sa pagkadula sang minilyon nga trabaho kag pagkagutom ang asud-asud nga pagpatuman sang lockdown kag restrictions.

-- Web Ads --

Ginalauman nga mag-expand ang ekonomiya sang pungsod sa apat tubtob lima ka porsyento sini nga tuig ipaanggid sa record contraction nga 9.6 percent sang 2020.

Apang suno kay Chua, ginalantaw nga 10 pa ka tuig antes makabalik ang pungsod sa pre-pandemic growth, nga naga-average sa 6.4 percent, bag-o nag-igo ang COVID-19 pandemic.

Facebook Comments

bomboradyo