Nagpangayo sang pasaylo ang sports legend nga si Efren “Bata” Reyes bangud sang ginapahayag paglapas sa health and safety protocols sa iya pagtambong sa isa ka billiards event sang Hwebes, Marso 11.

Natabo ang exhibition game sa San Pedro, Laguna.

Sa isa ka sulat nga na-address kay Games and Amusements Board (GAB) Board chairman Abraham “Baham” Mitra, ginpahayag ni Reyes nga antes niya ginsabat ang imbitasyon, naghingyo siya sa organizers sang event nga magpangayo sang permiso sa local government unit.

Suno kay Reyes, nakahibalo ang punong barangay nga may yara sang exhibition game kag sa pagkamatuod, makapila ka beses sini nga ginpahanumdom sa mga tawo nga nagalantaw sa hampang nga sundon gid ang social distancing kag iban pa nga safety protocols.

Sang una nga bahin sang hampang, ginapahayag nga matalunsay pa ang dalagan sang event bangud gamay pa lang ang tawo, apang sang nahibal-an sang publiko nga yara siya sa amo nga pagtilipon, nagdugok ang mga tawo kag mabudlay na nga ipatuman ang safety protocols.

Bangud sang natabo, napilitan ang punong barangay nga magtawag sang pulis agud nga maengganyo ang mga tawo nga magtuman sa iya nga mandu.

Suno pa sa 66 anyos nga sports legend, ginsunod lang niya ang suhestyon sang pulis nga magsunod siya sa barangay hall agud magcomply man ang iban nga tawo.

Nagapanindugan man si Reyes nga ginhatagan lang siya sang warning apang wala siya gin-aresto.

Nagapangayo sang pasaylo si Reyes bangud suno sa iya, indi man niya kontrololado ang sitwasyon kag ang mga tawo nga yara sa lugar.

Facebook Comments

bomboradyo